Bukas

Bukas, babatiin ang hapdi ng nakaraan upang damhin ang ibayong kirot ng kasalukuyan.

At saglit kong sisilayan ang iyong larawan na matagal nang nakaukit sa aking kaisipan.

Sa ingay ng katahimikan, madarama ang init ng luhang nangungulila.

Sa dako pa roo'y isisigaw ang sakdal tamis na mga kataga - mahal kita!

Bakit pa kaya kailangang masilayan ang umaga kung ikaw ay hindi makakasama?

At sa gitna nang kalituhan, muling magmumuni-muni.

Bukas, sana, dumating ang umaga

By Trifee Miaco